الثلاثاء , 12 ديسمبر 2017
سكندريات : 10 حاجات ما تعرفهاش عن ” استاد الاسكندرية “

سكندريات : 10 حاجات ما تعرفهاش عن ” استاد الاسكندرية “

بعد ما ربنا كرمنا الحمد لله بالتأهل لكأس العالم وبما ان الماتش التاريخي ده اتلعب في مدينة برح العرب …اي نعم هو ما اتلعبش علي استاد الاسكندرية الاساسي واتلعب في استاد برج العرب بس ده مايمنعش اننا نعرف اللي مانعرفهوش عن” استاد الاسكندرية “

1- ملعب الاسكندرية الجديد …ملعب البلدية او استاد الاسكندرية….هو اول استاد في مصر واقدم استاد في افريقيا والشرق الاوسط ومن اقدم 5 استادات في العالم

22309119_1463607513720531_2244525910872568822_n

2-كانت الفكرة الاولي لبناء الاستاد سنة 1910 وصاحب الفكرة كان مندوب مصر باللجنة الاولمبية ” انجلو بولانكي ” واللي كان عاوز ينظم اول دورة العاب اولمبية في مصر ….فطلب من بلدية الاسكندرية انها تخصص قطعة ارض لبناء الملعب
3-وبالفعل البلدية استجابت لطلب بولانكي وأجرت له قطعة ارض في الشاطبي “الارض اللي موجود عليها نادي الاتحاد حاليا ” وبالفعل تم بناء ملعب صغير عليها

22310574_1463607193720563_3018775099580525251_n

4-بس قطعت الارض الصغيرة والملعب الصغير اللي اتبني عليها ده دي ما أرضوش طموح بولانكي …..وعلشان كدة في سنة 1925 قرر أنه يطرح فكرة بناء استاد أكبر علي اعيان الاسكندرية وشكل لجنة علي رأسها الملك فؤاد الاول والامير عمر طوسون اللي اتبرعوا بجزء كبير من تكلفة الانشاء وبالفعل تم اختيار مكان بالحي اللاتيني في وسط الاسكندرية وبجوار كوم الدكة ومحرم بك لبناء الاستاد “موقع الاستاد الحالي ” وبدأت بالفعل اعمال البناء ولكن للاسف الفلوس اللي اتجمعت خلصت قبل ما الاستاد يخلص واللي كانت حوالي 60 جنيه مصري فقرر بولانكي انه يعمل مسابقة يانصيب لصالح الاستاد وأتباعت التذاكر بمبلغ كبير وصل ل 62 جنيه أخرين وبكدة وصلت التكلفة الاجمالية لانشاء الاستاد حوالي 132 جنيه مصري .

22365242_1463607777053838_7570151725501780554_n

5-أسند تصميم الاستاد للمهندس المعماري الروسي “تيكوسوف” واعداد وتخطيط الميدان المقابل والشوارع المحيطة للمهندس “الريكز”
6-انشأ الملعب علي الطراز الروماني ” Neo-Roman style ” وعلي طراز ملاعب أثينا …وعلي مساحة 132 ألف متر مربع بمدرجات مقسمة الي 4 اقسام بتستوعب حوالي 18 الف متفرج وفي وسطها مقصورة رئيسية بتضم الصالون الملكي اللي كان مخصص لاستقبال افراد العائلة الملكية
7-للاستاد واجهة جمالونية “مثلثة الشكل ” مستوحاه هي والسور من أقواس النصر الرومانية وعلي جدران السور منحوتات بتصور الالعاب الألومبية..مش بس كدة جزء من سور الاستاد هو جزء من اسوار الاسكندرية الاسلامية القديمة وتم الحفاظ عليها بانها دخلت ضمن جدار الاستاد وهنلاقيها موجودة لغاية دلوقتي عند البوابة الشرقية للاستاد ومن جوا الاستاد تبقي علي الشمال

22196277_1463607860387163_6457411112876456931_n

8-للاستاد 10 ابواب أشهرهم بوابة المارثون بوابة رقم “6” واللي بتعتبر نسخة طبق الاصل من بوابة المارثون التذكارية بأستاد لوس أنجلوس
9-افتتح الاستاد الملك فؤاد الاول سنة 1929 واتلعبت أول مبارة علي أرضه بين نادي الاتحاد والقاهرة وانتهت بفوز الاتحاد 1/0 وحصل الاتحاد علي كأس الافتتاح

22228570_1463607570387192_5180184426329180098_n

10-الاستاد استضاف كتير من البطولات الدولية منها الدورة الاولي لالعاب البحر المتوسط 1952- الالعاب العربية 1953- والالعاب الافريقية1991……تم تجديد الاستاد 3 مرات….اول مرة سنة 1996 في بطولة كأس العالم للشباب- المرة الثانية 2006 في كأس الامم الافريقة – والمرة الاخيرة عام 2017 قبل افتتاح البطولة العربية للأندية.

بقلم /

علا عبد المنعم